Huseynê Farê - Mala Ûsivê Seydo Ku Li Bismilê Şer Dikin
wêneyê hunermendî:ê 141 Xwendin
Parve Bike

Gotinên Stranan

Huseynê Farê - Mala Ûsivê Seydo Ku Li Bismilê Şer Dikin

Gidî heyla axawo
weyla waxawo heyla waxawo
Weyla dayê bêkesiya şikeftê Kanikê
Geliyê Hesika Deşta Baştagê
Qizilbaşê dora Bismilê
bekçiyê wa ciyê Seletê vê Sînanê
Weyla kula Silêmanê Evdilqadir
Tuba spiyê Silîva
Emerê Mihê Xiya
Di dil de mawo
Gidî heyla waxawo
Wele min go
dilê min evdala Xwedê
Ji dilê metê maqulo gorî
Dilê min evdala Xwedê
ji dilê metê
Min dî sêzde peya
çarde peya derketine
ji axa û axalera
Wele Ji şêxan û ji beglera ji Dirbesiyê
Li min porkurê vê sibê
ji tacdalika binê xetê
Wele van xweşmêra xwe girê dane
Bi çek û sîleh û edalê binê xetê
Heyla li min porkurê
vê sibê ji xwe re
Derbazbûne Turkiyayê serê xetê
Derê heyla lê dayê
Bira kula Xwedê bi sê kula be
Wî lo têkeve berê mala
yuzbaşiyê yedincî qolordiya Diyarbekir
Wele bi eskerekî giran xwe berdane
Girê Heso û Şûjino
li Gola Emo gamêşa
Li Fetê Şewlîkê
li çola Çetelê
li deşta Mereda
Li Newala Zilikê
li kêleka Elodîna
Li navbêna her du ava
Hawara Xwedê
ji êvara Xwedê da derketine taqîbatê

Derê heyla waxawo
weyla waxawo heyla waxawo
Maqulo gorî dilê min
evdala Xwedê dilekî dîn e
Heyla lê dayê rebenê
dilê min evdalê Xwedê
dîsa dilekî dîn e
Bira rebê alemê
mala Silêmanê Evdilqadir
Vê sibê dîsa
li mîrata bigerîne
Hema berê xwe dida
qeza Bismila şewitî
vê sibê ji xwe re
Hêdî hêdî yawaş yawaş
dîsa lawo dilezîne
Heyla lê dayê dîsa
bi ewr axikî li tanga
Mehkûm û xweşmêrê
binê xetê dişidîne
Wele li temamê dar û qereqolê
Bismila malikwêran digerîne
Bi şeveqa serê sibê ra
li ba yuzbaşiyê cendirma
li min porkurê
Mor û îmza lê dixîne
Ê lê Silêmanê Evdilqadir
digo de lo lo yuzbaşiyo
Wele tu yê pirs û sewala
van mehkûm û xweşmêrê
binê xetê ji min dikî
Bi sonda qesemê
tu yê du hev mufreza bişînî
Pey Ûsuvê Rihîmê
Eliyê Şarê bînî
Hawara Xwedê li min porkurê
Wê salixdanê van xweşmêra
îro ji te re bêjin kî û kî ne
De na na wele gava
Silêmanê Evdilqadir wer dibêje
Le yuzbaşiyo lez dike dilezîne
Demir û du dara
rasto çepo dişidîne
Du hev mufreza
dişîne pey Ûsuvê Rihîmê
Eliyê Şarê tîne
Heyla lê dayê
berê van xweşmêra
da qawişê cendirma
Tewlê hespa nezareta di jêrîn e
Na na wele lingê van xweşmêra
dikir qayişê tivinga
Li min porkurê
mîrata qerebaşê
bi ser wan de dileqîne
Wele Ûsuvê Rihîmê
bi sê denga dikir qarîn digo
Lo lo yuzbaşiyo
malikxerabo tu yê
Pirs û sewala van
mahkûm û xweşmêrê
binê xetê ji min dikî
Lo bi sonda qesemê
serekê wan Cemîlê Seyda ye
Wê bi pey re
torinê mala Ûsuvê Seydo Silhedîn e
Lo yê sisiya
torinê Şêx Boka Şêx Mîsbeh
lawê Şêx Nûredîn e
De na na wele
tu yê pirs û sewala
ciyê rûniştina van mahkûman
ji min dikî
Wele ji êvara Xwedê da
wa ne rûniştî ne
Li Girê Heso Şûjino
li Gola Emo Gamêşa
li Fetlê Şewlîkê
Li çola Çetelê
li deşta Meredarê
li newala Dirikê
li kaniya Kolanê
li kêleka Elodîn
Li navbêna her du ava
ji êvar de ji xwe re
di nav zilikan de rûniştî ne
De na na wele
şan û şûtê van xweşmêra
li dunyayê gelek hene
De roja şer û yoxilmê giran
Gava destê xwe
davêjin qevdê mîratê modalîka
qasatora fîdaliya martiliya
Ji erdê hiltînin
Le tim û daîma
alahiya eskerê hukûmatê dişkînin
Hawara Xwedê komê
hevala ji nava şer dertînin

Derê heyla waxawo
weyla waxawo heyla waxawo
Heyla lê dayê min go
dilê min rebena Xwedê dil didayê
Maqûlo darê dilê
min evdala Xwedê
dîsa vê sibê dil didayê
Le bira rebê alemê
bişewitîne mala bekçiyê
wa ciyê Seletê wê Sînanê
Le şeveqa serê sibê ra
berê xwe dane
qeza Bismila şewitî
Li min porkurê
nêzîkî qolordiya Diyarbekir
telefona elam danê
Wele giran e eskerê dewletê
Derketibû yedincî qolordiya
Diyarbekira şewitî malxerabo
Lo lo lawo dîsa bi cebilxane
Wele dibê berê vî eskerî
dane li Girê Heso Şûjino
Li Gola Emo Gamêşo
li Fetê Şewlîkê
li Çola Çetelê
Li deşta Meredanê
li Newala Dirikê
li kêleka Elodîno
Navbêna her du ava
dor li van xweşmêra girtine
Temamê esker ji xwe re
mewziyê xwe kolane
De na na wele bi emrê
Tabûr qumandanî bînbaşî
Divê temamê esker
gava dor li van xweşmêran girtin
Ji xwe re çaralî
bi kibrîtan û çaqmaqan germe didanê
Le meha temûz û tebaxê
orta meha havînê
Tu were min û diyarê
gola vê xwîdanê
Le roja mêraniyê
li meydanê qewimiye
şerê van xweşmêra
Ji derba derbedumanê
nabîne derba vê nîşanê
Le heyla waxawo
weyla waxawo heyla waxawo
Weyla dayê bêkesiya şikeftê
Korikê Geliyê Hesika Deşta Baştagê
Qizilbaşê dora Bismilê
bekçiyê aliyê wî Seletê Sînanê
Wî la kula Silêmanê Evdilqadir
Tûma Siphiyê Silîva
Emerê Mihê Xiya
Di dil de mawo
Şîrove

Ka tu şîroveyeke giranbuha li vê gotinê nakî?