Melek Rojhat - Bêbextî

Melek Rojhat - Bêbextî

Li min bihorîn gelek sal û dem
Li min kom bûn gelek derd û xem
Emir diçe bi êş û alem
Tenê hiştim vê bêbextiyê

Zeman û yar li min bûn yek
Li dora min çêkirin xelek
Li min gerandin çerxa felek
Tenê hiştim vê bêbextiyê

Naçin ava ev roj bûne sal
Sal dirêjin ez kirime kal
Bi ciwanî da destê min gopal
Piştxûzkirim vê bêbextiyê

Hêsîrê dahfa ber delavim
Qelsim, êdî bê pesn û bê navim
Por çû, çav çilmisî û rû xavim
Ez hejandim vê bêbextiyê

Gotin: Hekîm Sefkan
Muzîk: Aram Dîkran