Strango - Nebêje Na

Strango - Nebêje Na

Çi bêjim ez mebê: Na na
Guhê min tim li ber ‘’Na’’ ye
Bi vê ‘’na’’ yê te şîşa sor
Di nêva dil da badaye

Tu zanî ‘’na’’ çi dijware?
Ji ber wê dil tijî are
Perîşan û giranbare
Bihara dil çi ‘’na na‘’ ye?

Ji ber nayê dinalim ez
Wekû nayê dikalim ez
Nizanî pîr û kalim ez
Me fersende bernedaye

Mi dil suhtî ji ber nayê
Were guhdêrê ber nayê
Dikin gazî werin rayê
Ku ev paye hemî ba ye

Gotin: Cegerxwîn
Muzîk: Strango