Awazên Çiya - Rêber Apo

Awazên Çiya - Rêber Apo

Mizgîn e ji Dîcle û Firat, mizgîn e
Dîsa çav li Cûdî hêwirîne

Kurmancên dinê lê dor bûne kom
Deng vedan war bi war û kom bi kom
Tîrêjên berbangê avêt çiyan
Roka me li gerdûnê bû xuya

Li ser ser û çavan tu hatî
Hêviya hezar salan
Ji bo axa tî û terikî
Bû hilm û ba û baran

Gundê fîsê xweş civat e
Şêwira doza giran
Qêrîna zindan û çiyan
Dengê berxwedan û jiyan

(Çend gotin ji hevalekî ku dengê xwe şibandiye yê Xelîl Xemgînî)

Apo, ronî û hetav e
Apo, şêrîn û xweşnav e
Apo, rêberê Kurda ye
Rabûna gela ye..

Bû dengek li her derê olan da
Bû rengek, xwe li her derê veda
Alaya bilind û rengîn î
Serfiraz, her dem baweşînî

Ji nû ve koka dîrokê veda
Rûtkê çepkê dewlet û key xwe da
Ronî kir jin û jîngeh û xweza
Şewq da ser çanda civaka azad

Wê lingên hespê derwêşan
Di bajarê mişkan de nema bişkên
Wê qûmriyên Kela Dimdimê
Xwe bi dar venekin bi keziyên xwe
Wê zarokên welatê agir
Nema li ser axa xwe bibin penaber
Di bin gehna tîrojên ronahiya te de
Xweza xwe têr bike bi germahiya evîna te
Tevahî destanên bi êş, wê bi dawî bibin
Wê Cûdîya mirada bi mirada xwe şa bibe.
Wê di nevsera xwe de ala Egîd û Mazlûman,
Nûda û Zîlanan serfiraz li ba bike
Xewna girtiyên azad li ser sûrên Amedê rastî ye.
De bila seydayê Xanî jî di meqamê xwe de dilşa razê
Va ye me kurdan heya rêber

Dengê te rengê me de
Kurdên çiyayê hev civîn
Bo azadiya însan
Li ser xaka Kurdistan
Bûn jiyan û herikîn